Harriet Tubman
Harriet Tubman (pron.: hariyet-tabmen; n. Stato-distrikto Dorchester, Maryland, ?ma di marto 1823 – m. Auburn, la 10ma di marto 1913) esis Afrikan-Usana militemo, abolisisto, aktivisto por homala yuri e yuri di mulieri. El esis eskapinta sklavigito qua voyajis 13 foyi a la sudo di Usa por eskapigar 70 sklavigiti vers la nordo di Usa o Kanada, uzante la reto konocita quale "Underground Railroad" (subterala fer-voyo). Dum l'Usana interna milito el laboris kom flegisto e koquisto, pose kom avan-explorero e spionero. El guidis l'atako di Combahee Ferry per qua liberigesis 700 sklavigiti da la nordal armeo. Pos l'Usana interna milito el retretis en Auburn, ube el flegis elua evoza genitori ed engajis su por la voto-yuri di mulieri.