Henry Hudson
| Henry Hudson | ||
 | ||
| Henry Hudson (apokrifa imajo) | ||
| Profesiono: | navigisto, exploristo | |
| Lando: |  Anglia | |
| Naskodato: | 1564, 1566 | |
| Nasko-loko: | Anglia (posible en London) | |
| Mortodato: | Lua eroro en Modulo:Wikidata, che la lineo 779: attempt to index field 'datavalue' (a nil value). | |
| Morto-loko: | bayo James, sude de bayo Hudson, Kanada | |
Henry Hudson (n. cirkume 1565, desaparinta pos la 23ma di junio 1611) esis Angla exploristo e navigisto, maxim bone konocata por sua explori di parti di la nuna Kanada e nordo di Usa.
Ye la 22ma di junio 1611, en la navo Discovery, dum expediciono en Nord-Amerika explorante posibla nord-westa voyo vers la Pacifiko, membri di la nav-trupo rebeleskis kontre kapitano Henry Hudson. Li pasabis kelka semani ye la litoro di la nuntempe-nomizita bayo Hudson, esforcante trovar westala voyo. La navo pose divenabis kaptita en glacio dum la vintro. Kelka navani, deskontenta pro la agadi di Hudson e deziranta ne pluse explorar, pozis il, ilua filiulo e sep altra de la nav-trupo aden shalupo, e la rebeli komencis eventoza voyajo retroe vers Europa; la shalupo esis nultempe pluse vidata. Arivinte en Anglia, kelka de la sep posvivanta rebeli subisis legala proceso; ili esis akuzata pro ocido, vice rebeleso, e li fine esis absolvata. Teorio esas ke ili, posedanta importanta informeso pri la expediciono, esis tro valoroza por exekutesar.