Historio di Federata Stati di Mikronezia

De Wikipedio
Irez ad: pilotado, serchez
Granda petro uzita kom monetaro en Yap.

L'unesma homi arivis en Mikronezia cirkume 4000 aK. L'insulo Yap divenis centro por mikra imperio, qua uzis granda cirkli di petro kom monetaro. An l'insulo Pohnpei existas la ruini dil urbo Nan Madol, qua esis la chefurbo di la dinastio Saudeleur. Nan Madol formacesis per artificala insuli, e posible uzesis por ceremonii til cirkume la yaro 1500.

Europani - unesme Portugalani, e pose Hispani - arivis an l'insuli Karolini dum la 15ma yarcento. e Hispani establisis lia suvereneso. L'insuli divenis Germaniana kolonio en 1899 kande Hispania vendis ol.

Japoniani konquestis la teritorio en 1914 dum l'unesma mondomilito. Dum la duesma mondomilito Japonian imperio instalis importanta militarala bazo en l'insulo Truk, ma ye februaro 1944 granda atako da Usa destruktis Japoniana militistala povo en l'insulo.

Pos la milito l'insuli divenis teritorio di la Unionita Nacioni en 1947, ed administresis da Usa. La Federata Stati di Mikronezia divenis nedependanta ye la 3ma di novembro 1986 de la mandato di Unionita Nacioni.


Historio di Oceania
Australia | Fidji | Est-Timor | Kiribati | Marshall Insuli | Federata Stati di Mikronezia | Nova-Zelando | Palau | Papua-Nova-Guinea | Samoa | Salomon Insuli | Tonga | Tuvalu | Vanuatu