Historio di Katalunia
Katalunia esas historiala teritorio formacita origine dal komtii qui formacis la Hispana Marca, nord-este de Iberia, dum la regno di Karolus la Granda. Nune, la nomo Katalunia referas l'Autonoma Regiono di Katalunia, en Hispania, e Norda-Katalunia, qua formacas la departamento dil Orientala Pirinei, qua nun esas parto di la regiono Occitania, en Francia.
Introdukto[redaktar | redaktar fonto]
Sur Latina bazo surpozos du precipua pra-stati en formado di quo esos Katalunia: Visigota ed Arabiana, kon diversa grado di incido segun la parto di Katalunia (nova od olda) e diversa influo en la tempo di resto e sociala kompozado.
La nomo Katalunia probable originis dum ta epoko e referus a la granda nombro di kasteli qui existis pro lua karaktero di frontiero. En feudala sistemo esis komuna ke la nobeli qua posedis feudo delegis administrado di unu kastelo a vasalo, nomizita castlà en la Kataluniana. Ol aparas ke esus ek ta kargo ke surgis la nomo di Katalunia, en linguistikala procedo sama a ta qua originis la nomi di Kastilia ek kastelo (castillo en la Hispaniana).