Historio di Tonga

De Wikipedio
Irez ad: pilotado, serchez

Arkeologiala restaji pruvis ke l'unesma habitanti di Tonga navigis de Santa-Cruz-insuli (nune parto di Salomon Insuli) ed arivis en regiono cirkum 6,000 yari ante nun. L'epoko de cirkum 450 aK til 1865 konocesis kom Imperio Tui'Tonga, kun centro en l'insulo di Tongatapu e chef-urbo en Mu'a.

L'unesma Europani qui vizitis l'insuli esis Nederlandani Willem Schouten e Jacob Le Maire, en 1616. Li vizitis nordala insulo di Niuatoputapu. En 1643 Abel Tasman vizitis Tongatapu e Haʻapai. Altr importanta vizitero esis James Cook, en 1773, 1774 e 1777.

La 4ma di decembro 1845 Tāufaʻāhau Tupou 1ma, pose baptita George Tupou 1ma, unionis Tonga e formacis rejio. En 1875 ilu deklaris Tonga konstitucala monarkio. George Tupou 1ma guvernis til la 18ma di februaro 1893, kande ilu mortis. Lia sucedanto esis lia granda-nepotulo Siaosi Tupou 2ma (George Tupou 2ma).

Tonga divenis Britaniana protektorato en 18 di mayo 1900 pos amikeso-pakto kun Unionita Rejio, ma kontree altra insuli en Pacifiko ol ne perdis lua tradicionala monarkio. Pakto pri protektorato finis en 1970, e Tonga divenis nedependanta en 4 di junio sam yaro. Ol imediate eniris Britaniana komuneso.

En julio 2010 lando demarshis decideme por divenar konstitucala monarkio, kande Sialeʻataongo Tuʻivakanō divenis l'unesma chefministro direkte elektita.


Historio di Oceania
Australia | Fidji | Est-Timor | Kiribati | Marshall Insuli | Federata Stati di Mikronezia | Nova-Zelando | Palau | Papua-Nova-Guinea | Samoa | Salomon Insuli | Tonga | Tuvalu | Vanuatu