Homala Kun-Eso

De Wikipedio
Salti al navigilo Irez a serchilo

La Homala Kun-Eso (angle: Human Be-In) esis evento en Golden Gate-Parko en San Francisco, Usa ye januaro 14ma 1967. Ol esis preludo dil Somero di Amo, quo transformis la Haight-Ashbury distrikto a simbolo di usana kontrekulturo, ed enduktis la vorto "psychedelic" a preurbia.

La Homala Kun-Eso anuncesis sur la kovrilo dil kinesma numero di la San Francisco Oracle kom "Kunveno di la Tribui por Homala Kun-Eso". La kauzo esis nova lego en Kalifornia en 1966 quo interdiktis la uzo dil "psikadelika" drogo LSD. La diskursanti che la ralio omna invitesis da Michael Bowen, la chef-organizanto. Li inkluzis Timothy Leary, qua establisis la tono ta-posdimeze per sua famoza frazo "Turn on, tune in, drop out", Richard Alpert e poeti quala Allen Ginsberg, qua kantis mantri*, Gary Snyder e Michael McClure. Altra kontrekulturo-gurui* inkluzis komediero Dick Gregory, Lenore Kandel, Lawrence Ferlinghetti, e Jerry Rubin.

Le Hells Angels, kontre lia bandito-reputeso, kolektis perdita pueri. Muziko provizesis da multa lokala rock-grupi inkluzanta Jefferson Airplane, The Grateful Dead, Big Brother and the Holding Company, e Quicksilver Messenger Service, qui pleabis che la Fillmore e la Avalon-Balchambro depos 1966. "Subtera kemiisto" Owsley Stanley provizis enorma quanti de sua "Blanka Fulmino" LSD, specale produktita por la evento, al kunveninta turbi.

La Homala Kun-Eso enfokigis la klef-idei di la kontrekulturo dil yari 1960ma: personala povigo, kulturala e politikala descentraligo, komuna vivo, ekologiala koncio, plu alta koncio (per helpo de "psychedelic"-a drogi), acepto di kontrelega drog-uzado, e radikala liberala politikala koncio. La hippie-movado developis ek deskontenta studento-komunesi cirkum San Francisco Stat-Universitato, City-Kolegio e Berkeley, e che la beat-generacionana poeti e jaz-hipster-i di San Francisco, qui anke kombinis sercho ad intuiciva spontaneso kun refuzo dil etiko "meza-klasala". Allen Ginsberg personigis la transito inter la beat- e hippie-generacioni.

La nomo Human Be-In devenis de hazarda dicajo dal artisto Michael Bowen. La ludema nomo kombinas humanista valori kun la "kun-sidi" qui reformabis praktiki che kolegii ed universitati ed erodabis segregaco, depos la famoza kun-sidi di 1960 en Greensboro, Nordal Karolina, e Nashville, Tennessee.