Hugo Gernsback
Hugo Gernsback (n. 16ma do agosto 1884, m. 19ma di agosto 1967), naskita en Luxemburgia, esis skriptisto ed editisto di revui en Usa, notende la revuo Amazing Stories.
Il rezidis en Usa depos 1904; en 1908 il fondis revuo Modern Electrics, qua promocis ilua komerco pri heme-facata radio-aparati, ed inkluzis serialigita ciencala romani. Il remarkis ke la fiktiva pagini esis bone recevata, do ilua revuo The Electrical Experimenter, quan il fondis en 1913, reguloze inkluzis ciencala fiktiveso.
Ye la 5ma di marto 1926, ilua revuo Amazing Stories ("Astonanta Rakonti") unesmafoye aparis. Ol esis la unesma revuo kontenanta nur rakonti di ciencal fiktiveso. Pro falio di sua komercala aferi, Gernsback ne editis Amazing Stories pos 1929; la revuo duris dum plura yardeki, kun diversa editisti.