Ido-konfero 2022
La internaciona Ido-konfero 2022 eventis inter 25ma agosto e 28ma agosto 2022 en Dessau, Germania. La konfero eventis en Dessau por memorigar la duesma Ido-konfero en la yaro 1922 en Dessau.
La konfero esis organizita da la Germana Ido-Societo e partoprenis 17 Idisti de 5 landi (Germania, Francia, Britania, Nederlando e Bulgaria). La lokala e regionala jurnalaro raportis en plura artikli pri la Ido-konfero 2022 en Dessau.
Programo
[redaktar | redaktar fonto]- 25ma agosto 2022: Vizito a Köthen. Ibe la partoprenanti vizitis la tombo dil ex-prezidanto dil ULI Günter Anton. Ilua filiini duktis la Idisti tra la urbo.
- 26ma agosto 2022: Labor-grupi, inform-estaleyo en la centro di Dessau e yarchefkunveno di la Germana Ido-Societo.
- 27ma agosto 2022: Saluti di oficala reprezentanti di la urbo Dessau. Diskurso da Rainer Höhling pri la lasta prezidanto di la Ido-klubo en Dessau Oskar Jungk ed ilua relato kun Heinrich Pëus. Vizito di la tombo di Heinrich Pëus e di la nova Muzeo di Bauhaus en Dessau. Prizentado di la laboro-grupi e komuna kantado.
- 28ma agosto 2022: Exkurzo a la Parko di Wörlitz.