Trindade e Martim Vaz

De Wikipedio
Partal imajo pri l'insulo Trindade.
Loko di Trindade e Martim Vaz.

Trindade e Martim Vaz esas arkipelago apartenanta a Brazilia, jacanta 1167 km este de lua litoro. Havanta entote 10,4 km², ol konsistas ek du precipua insuli, Trindade (9,2 km²) e Martim Vaz (0,3 km²), e mikra rokoza insuleti. La du precipua insuli distas per 48 km l'una de l'altra.

L'insuli ne havas nativa o permananta habitantaro. Braziliana mar-armeo mantenas en Trindade garnizono kun cirkume 36 maristi, qui remplasesas freque, e kelkafoye ciencisti vizitas l'arkipelago por studii. La maxim sekura formo por arivar en l'insuli esas tra helikoptero, nam existas submara roki qui povas produktar naufraji.

Insulo Martim Vaz deskovresis en 1501 dal navigisto João da Nova. Dum la sequanta yaro, Portugalana navigisto Estêvão da Gama vizitis la vicina insulo, e baptis ol Trindade.