Jacques Bol

De Wikipedio
Jump to navigation Jump to search
Jacques Bol
Profesiono: Injenioro
Lando: Flag of Belgium.svg Belgia
Naskodato: 29 di aprilo 1922
Nasko-loko: Berzee, Belgia
Mortodato: 3 di mayo 2009
Morto-loko: Wawre

Jacques Bol naskis ye la 29 di aprilo 1922 en Berzee sude di Charleroi en Belgia. Pos aquiro di edukeso ye plu alta faki (domeno Latina-Greka) che la Jezuiti, lu aquiris diplomo di injenioro teknikala che Université du Travail, en Charleroi. Pos servo kom soldato en Germania lu laboris por la ministerio agronomiala (seciono agronomiala pri hidrauliko) ube lu employesis til la fino di sua profesionala vivo, kande il evis 65 yari.

Bol esis linguo-amanto – ultre la Franca e la Germana lu anke savis la Araba, Chiniana e Hebrea. Kun Andreas Juste lu raliis grupo di yuna homi, qui konsakris su a projetlingui: unesme ad Esperanto, pose ad Ido. La agado da Bol por Ido duris til lua morto ye la 3 di mayo 2009 en Wawre.

La heredajo di Jacques Bol dokumentizas tre bone importanta periodo di la movemento mondolinguala dum la 20-ma yarcento.

12 buxi kun korespondaji e revui ed anke la privata Ido-biblioteko di Bol trovesas nun en Muzeo por la projetolingui (Germane: Museum für Plansprachen) in Wien.