Jamil Mardam Bey

De Wikipedio
Salti al navigilo Irez a serchilo
Jamil Mardam Bey
JamilMardamBeyPortrait.jpg
Chefministro di Flag of Syria.svg Siria
Guvernisteso: de la 21ma di decembro 1936 til la 18ma di februaro 1939
Precedanto: Ata Bay al-Ayyubi
Sucedanto: Lutfi al-Haffar
Chefministro di Flag of Syria.svg Siria
Guvernisteso: 29ma di decembro 1946 til la 17ma di decembro 1948
Precedanto: Khalid al-Azm
Sucedanto: Khalid al-Azm
Personal informi
Naskodato: 1894
Naskoloko: Damaskus, Otoman imperio
Mortodato: 30 di marto 1960
Mortoloko: Kairo, Egiptia
Spozo: Safwat Sami Pasha Mardam Bey
Profesiono: politikisto
Politikala partiso: Al-Kutlah Al-Wataniyah (Bloc national)

Jamil Mardam Bey, politikisto n. ye la 1894 til la 30ma di marto 1960 esis dufoye chefministro di Siria: de 1936 til 1939, ed itere pos la nedependo di la lando, de 1946 til 1948.

Mardam Bey decendis del Otomana generalo e statestro Lala Mustafa Pasha. Ilu studiis en Paris, ed esis un ek la fonderi di Al-Fatat, opozanta partiso en Siria, dum Otoman administrado. En 1916, ilu partoprenis en revolto qua demandis nedependo por omna Araba provinci del Otoman imperio, qua inspiresis da Hussein ibn Ali al-Hashimi, emiro de Meka. Pro to, ilu kondamnesis a mortopuniso in absentia e fugis vers Europa.

Pos ke Otoman imperio vinkesis dum l'unesma mondomilito ilu retroiris a Siria. Ilu akompatis rejulo Faisal la 1ma di Irak dum la konfero pri paco di Paris, ube ilu probis impedar Franca okupado en Siria e Libano, sensucese. Ye la 24ma di julio 1920, pos ke Franci revokis rejulo Faisal la 1ma, Jamil Mardam Bey kondamnesis a mortopuniso. Ilu fugis vers Ierusalem e restis ibe til recevir amnestio en 1921, kande ilu retroiris a Damaskus. En 1927 ilu fondis la partiso Bloc national, qua deziris cesigar Franca administrado pacoze, vice uzar armizita lukto. En 1932 ilu divenis ministro pri Financi de la ministraro di Haqqi al-Azm. En 1936 ilu helpis organizar 6-dia striko kontre Franca administrado. La striko divenis violentoza, ed eventis morti en amba flanki. Pos to, Francia agnoskis Bloc national kom reprezentinto de la populo Siriana. La partiso signatis pakto pri nedependo kun Franca guverno, kambie suporto di Franca armeo se altra milito eventis en Europa.

Siria divenis nedependanta de Francia erste pos finir la duesma mondomilito, ye la 17ma di aprilo 1946. Jamil Mardam Bey itere divenis chefministro di la lando ye la 29ma di decembro 1946, e guvernis til la 17ma di decembro 1948.

Precedanto
Khalid al-Azm
Chefministro di Siria
1946 til 1948
Sucedanto
Khalid al-Azm