Jeffrey Epstein

Policala fotografuro de Jeffrey Epstein (2006)

Jeffrey Edward Epstein (pron.: jefri-epstayn; familio-nomo pronuncata [ˈɛpʃtaɪn], ma pronuncata [ˈɛpstiːn] da lu ipsa; n. New York, la 20ma di januaro 1953 – m. New York, la 10ma di agosto 2019) esis Usana kolokisto. Il esis kondamnita seriala violacero, infanto-violacero e sexuala deliktanto.

En 2006 iniciesis proceso kontre Epstein pro akuzeso pagir 40 minora adolecantini por sexuago. En 2008 la kazi financale aranjesis ultre un kazo de pago por sexuago kun 14 evant adolecantino. Il kondamnesis a dekedok monati en karcero de qui deketri en hemal enkarcereso. En 2019 l'Usana ministerio di judicio komencis exploro al aranji di 2008, komenco di julio il itere arestesis pro hom-komerco e mizuzo di minora adolecantini inter 2002-2005. Kulpeso povus kondamnar a 45 yari en karcero.

Societala figuro

Per sua pekunio Epstein povis durar sua vivo di sexual ecesaji, il subornis ed extorsis politikisti, jurnalisti ed aferisti. Inter sua amiki e komplici esis Bear Stearns-bankestro ed aferala ex-partnero Alan C. Greenberg, komunikilaro-magnato Robert Maxwell, ilua filino ed 'maxim bon amiko' di Epstein Ghislaine Maxwell, ex-prezidanto di Victoria's Secrets Leslie Wexner e Princo Andrew.

Epstein-dokumenti

La 30ma di agosto 2026 l'Usana Departmento di Judicio liberigis 3 milion dokumenti, 180.000 imaji e 2.000 video-filmeti por publikigo, per qui klareskis la nombro de personi qui havis amikala relato kun Epstein, anke pos ilua kondamneso en 2008. Inter li esis la rejala familio di Norvegia (Mette-Marit Tjessem Høiby), l'exministro pri Exterlandal Aferi di Slovakia Miroslav Lajčák ("la mulieri esis ecelanta", il skribis ad Epstein), Richard Branson, Donald Trump, Peter Mandelson (Labour Party - UR), Sarah Ferguson (exspozo Princo Andrew), la Franciana politikisto Jack Lang, Windows-kreinto Bill Gates, Saudi-Arabiana politikisto Mohamad bin Salman e multa altra membri dil elito.