Johann Sebastian Bach

De Wikipedio
Irez ad: pilotado, serchez
Johann Sebastian Bach
Bach.jpg
Profesiono: kompozisto
Lando: Flag of Germany.svg Germania
Naskodato: 21 di marto 1685, 31 di marto 1685
Nasko-loko: Eisenach, Turingia, Germania
Mortodato: 28 di julio 1750
Morto-loko: Leipzig, Saxonia, Germania

Johann Sebastian Bach (1685 til 1750) esis Germana kompozisto. Lu naskis en 21ma di marto, 1685 en familio di muzikisti. Lu mariajis dufoye e havis 20 filii; kelka ek li anke divenis muzikisti. Ilu mortis ye la 28ma di julio 1750 che Leipzig.

Frua kariero[redaktar | redaktar fonto]

Ye la 15ma di junio 1707 Johann Sebastian Bach esis selektata kom orgenisto di la kirko di St Blasius en Mühlhausen. En ta tempo il rezidis en Arnstadt, ube relati kun lua employanti divenabis mala; il ibe demisionis en 29ma di junio e translojis a Mühlhausen. Dum la sequanta monati il kompozis tri kantati; la duesma (Gott ist mein König, BWV71) esis pleata ye la inaugureso di la municipala konsilistaro di Mühlhausen en 4ma di februaro 1708, ed ol esis imprimata; nula altra kantati da Bach esis imprimata dum ilua vivo. Il aranjis ke la orgeno di la kirko esez ri-konstruktata; tamen, opinionante ke muzikala standi en la urbo ne divenos plu bona, il demisionis de sua ofico en Mühlhausen en junio 1708, pose tempope retrovenante por direktar la duranta rikonstrukto di la orgeno.

La kirko di St Blasius, Mühlhausen

Brandenburg-koncerto-peci[redaktar | redaktar fonto]

Ilua kolekturo de instrumentala peci, plu tarde nomizita la Brandenburg-koncerto-peci, esis kompleta en 1721; ye la 24ma di marto ta yaro, ilu skribis la dedikado sur la manuskripto, a Christian Ludwig, Margravo di Brandenburg-Schwedt. Bach pleabis koram la Margravo du yari antee, dum exkurso a Berlin por komprar klavikordo, ed il pose invitabis Bach sendar kelka kompozuri a lu. La sis koncerto-peci, single kompozita por diferanta ensemblo, sendesis kun la espero ke la Margravo havos la moyeni utiligar li; tamen, la Margravo ne dankis Bach, e ne sendis pago. La manuskripto restis ne-utiligita lor la morto di la Margravo. Ol deskovresis en la arkivi di Brandenburg en 1849, e la muziko esis unesmafoye pleata en la sequanta yaro.


Commons
Commons havas kontenajo relatante a: