Katherine Johnson

Katherine Johnson
Katherine Johnson en 1983
Profesiono:	matematikisto
Lando:	Usa
Naskodato:	26 di agosto 1918
Nasko-loko:	White Sulphur Springs, West-Virginia
Mortodato:	24 di februaro 2020
Morto-loko:	Newport News, Virginia

Katherine Johnson, nasko-nomo: Coleman (pron.: keterin-jonson; n. White Sulphur Springs, West-Virginia, la 26ma di agosto 1918 - m. Newport News, Virginia, la 24ma di februaro 2020) esis Usana matematikisto qua laboris por NASA. El kontributis ad aeral e kosmala voyajo-programi per uzo di dijitala komputeri che NASA. Katherine Johnson facis omna decidiganta kalkuli por NASA dum la konkurso pri la kosmo.

Kom infanto Johnson ja bone povis kalkular. Evinte 15 el darfis irar a la Statala Kolegio di West-Virginia por developar elua matematikala talento. Pos elua parstudio el docis en la Universitato di West-Virginia. Mediace Dorothy Vaughan el employesis en 1953 da NASA por la departmento "komputeri en jupi".

Per sua asertiveso el bone sucesis mantenar su en la virala cirkumajo. Malgre ke elua koloro di pelo ed elua genro restis barilo, pro elua savo ed elua experteso kom fizikisto e kosmo-ciencisto el esis nekareebla por NASA. Precipue elua kapableso kom matematikisto nekareigis el.

En 2017 publikigesis filmo Celita Figuri pri Johnson e sua afrikan-usana kolegi che NASA, segun libro da Margot Lee Shetterly.