Keri

Ceno di duelo Ahileus kontre Memnon, funde ceno di psihostasia e keri vartanta la rezulto.

Keri en Greka mitologio esis femina demoni di morto relatant a fato.

Eli esis filiini di Nix, e fratini di Moros, Tanatos e Hipnos.

La keri aparis de Hades a tero dum militi, ube eli esis kruela chasinte pri viktimi quale mortinti e vundinti, aspirinte sango del korpi. Elia kompanulo esis Eurinomos, qua manjis kadavri. Kune kun il e Deimos, Fobos ed Erida eli apartenis a kompanaro di Ares.

Ilustruri di militala dueli kun la keri funde montras anke ceno di psihostasia (pondero di anmi da dei), qua nuntempe povas esar erore konsiderata kom kerostasia, qua fakte ne relatas a la keri e batalii o militi, e relatas a korni di sakrifikal animali, abundokorno, simboli di povo o fertileso, agrala rituaro, abundo e deala judicio pri viktimo.