Kola-drinkajo
Kola-drinkajo esas karbonat-acidizita drinkajo. Ol esas dolca ma kun alt acideso e kontenas kafeino (ck. 28-32 miligrami po 33 centilitri), vanilo, kanelo, karamelo e citrono. Anke esas variaji quale diet-versiono, sensukra e senkafeina versioni, o kun extra kafeino o sukro.
La nomo prenesis del ingrediento kolao, di qua la nuco uzesis, ma hodie nur rare uzesas. L'unesma kola-drinkajo inventesis da John Pemberton, qua surmerkatigis ol sub la nomo Coca Cola. Mondale la maxim bone konocata marki esas Coca Cola, Pepsi e Virgin Cola. Existas diversa marki qui produktas kola-drinkajo, bona-note en Sud-Amerika (Inca Kola) e l'islamana mondo (Mecca Cola, Zam Zam Cola e Parsi Cola). Jolt Cola' (Usa) e fritz-kola (Germania) kontenas multa kafeino.