Kolda milito

De Wikipedio
Jump to navigation Jump to search
Historio di Usa
Great Seal of the United States (obverse).svg

La Kolda Milito signifikis la tensi inter la westala bloko e komunista landi duktata da Sovietia. On komencis uzar la termino cirkume 1947 pos la duesma mondomilito, kande la relati inter l'antea federiti divenabis tensa. Komunismo expansis su en est Europa kun helpo di Sovietia. Westala federiti, Usa, Unionita Rejio, Francia, pozis su defensar demokratio.

Unesma deskonkordo inter westala federiti e Sovietia eventis en julio 1945 en Potsdam, kande la vinkinti kunvenis por decidar pri la futuro di Europa.

Germania ed Austria dividesis ed administresis dal federiti (Usa, Unionita Rejio, Francia e Sovietia) en okupita zoni. Tamen en est Europa komencis la developo, qua duktis til l’ erekto di la “fera kurteno”.

La komunisti ganis povo sen extera helpo en Albania e Yugoslavia. Altraloke en est Europa esis cirkume milion Sovieta soldati, e Sovietia profitis la situeso. Ol aranjis la komunisti a povo en 1946 en Bulgaria e Rumania, en 1947 en Polonia e Hungaria. En Chekoslovakia la komunisti kaptis povo en februaro 1948.

La westa stati fondis en aprilo 1949 Nord-Atlantikal Uniono, (NATO) (Angle: The North Atlantic Treaty Organization). En 1949 en septembro fondesis West-Germania (BRD, Germane: Bundesrepublik Deutschland) e en oktobro Est-Germania (DDR, Germane: Deutsche Demokratische Republik). En mayo 1955 l' esta bloko fondis la militala organizuro pakto di Warszawa.

Usa donis a westa ekonomii t.d. plano Marshall, per qua la stati rezurektis balde pos la milito. En est Europa la rezurekto esis plu tarda.

Kolda Milito duris til 1989, kande tota la komunista rejimi di estal Europala krulis, e ta landi komencis transformar lua ekonomii.