Kontrato di Petrópolis

De Wikipedio

Petrópolis-kontrato esis pakto pri paco signatita da Brazilia e Bolivia ye la 17ma di novembro 1903 che urbo Petrópolis. La pakto stipulis ke Bolivia cedus 191 000 km² di teritorio a Brazilia, korespondanta preske tote a nuna Braziliana stato Acre. Ante, en 1867, tra la Pakto pri Paco ed Amikeso Bolivia cedis 164 242 km² qua nun apartenas al stato Amazonas.

Inter la motivi por la cedo esis ke la regiono koloniigesis da Braziliani, qui eniris Boliviana teritorio por explotar kauchukofigieri dum l'epoko konocata kom febro dil kauchuko, e la su-levo dil habitantaro kontre Bolivian administrado.

Kambie por la teritorio, Brazilia aceptis

  • konstruktar ferovoyo qua posibligus transportar Boliviana produkturi til urbo Porto Velho, en nuna Rondonia, nam rivero Madeira ne posibligas navigado en la regiono
  • cedar 3 000 km² di teritorii a Bolivia
  • posibligar Bolivia navigar tra Braziliana fluviala voyi til oceano Atlantiko
  • posibligar Bolivia konstruktar dogani en l'urbi Corumbá, Manaus, Belém ed en altra urbi de la frontiero
  • pagar £ 2 000 000 punda-indemno a Bolivia (equivalanta nun a plu kam 290 milion dolari).

Brazilia efektigis tota demandi dil kontrato. La ferovoyo Madeira-Mamoré inauguresis en 1912, quankam ol ne atingis urbo Riberalta, pro problemi en la tereno. La ferovoyo kustis US$ 33 milioni, e 3600 laboristi mortis pro malario o flava febro.

Videz anke[redaktar | redaktar fonto]