Kreola linguo

De Wikipedio
Irez ad: pilotado, serchez

La kreola linguo o kreolo esas un linguo qua developabis su de pidgino, qua signifikas linguo qua formabas su de la renkontro di du o plu lingui e qua havas gramatiko sua propra. Foyo ke un pidgino divenas la linguo matra dil indijeni di komuneso, onu povas parolar di kreola linguo. La vorto "kreola" devenas de la Portugalana linguo (crioulo, de criar) e signifikas "krear" o "levar".

La vorto "kreolo" referas su al komuneso nova qua formis su kun la kolonii en Latina Amerika, komuneso qua kreesis per la Portugalani e la populo lokala.

La Portugalani e la Hispani uzis ica vorto por distingar la populo di origino Europana ma qua naskitesis en la kolonii de la nobeli qua venabis de la matra patrio en la preter.

La nomo "kreola linguo" havis un signifikato negativa - populo di basa yuro o di poka valoro - signifikato qua pasabas kom judicio sur la kreola lingui, konsiderita kom lingui di basa fermento o dialekti sen valoro. En la recenta yari, la linguistikisti komencis a evaluar la kreola lingui dil vidpunto diferanta. La kreola lingui videsas kom lingui vera e justa, kun lia historio e literaturo.