Kupro

De Wikipedio
Kupro

NomoKupro
SimboloCu
Atomala nombro29
Kemiala seriotransita metalo
Atomala pezo63,546 UMA
Elektronala figuro[Ar] 3d10 4s1
Kupro

Kupro esas kemiala elemento kun simbolo Cu ed atomala nombro 29. Ol esas metalo kun koloro redatra, mola, maleebla e duktila, havanta alta termala ed elektrala konduktiveso. Ol uzesas en elektrala e termala konduktili, en metalfili por multa uzi, e kom kompozanto di multa aloyuri, exemple bronzo, arjento sterling, en aloyuri kupro-nikelo por monetifado, edc.

Kupro esas un ek la rara metali qui povas trovesar pura, pro to ol konocesas ed uzesas de la prehistorio, cirkume 8.000 yari aK. Mili di yari pose (cirkume 5.000 aK), ol komencis extraktesar de sulfida erci, ol divenis l'unesma metalo gisata en mulduro (c. 4000 aK) e divenis l'unesma metalo qua intence aloyesis kun altro, stano, por krear bronzo, cirkume 3.500 yari aK.[1]

Nun, kupro obtenesas precipue de minerali, exemple malakito (Cu2CO3(OH)2), azurito e turkezo.

Referi[redaktar | redaktar fonto]

Commons
Commons
Commons havas kontenajo relatante a:
  1. Autoro: Charles McHenry. The New Encyclopedia Britannica.  Volumo: 3.  Publikigita da Encyclopedia Britannica, Inc..  Loko di publikigo: Chicago. Dato di publikigo: 1992.  Pagino/pagini: 612.