L.A. Noire
L.A. Noire esas video-ludo editita en 2011 da Rockstar Games e developita dal australiana kompanio Team Bondi.
La ludo eventas en Los Angeles dum la yaro 1947 e sequas la kariero di detektivo Cole Phelps qua probas solvar krimini di diversa kategorii inkluze homocido, vicio ed incendio.
Duesma rakonto dum la ludo relatas bando de olima soldati (olima amiki di Phelps del Duesma Mondo-Milito) qua distributas la drogo morfino.
L.A. Noire esas remarkinda pro lua realista vizajala reprezento dil karakteri dum la rakonto, exemple dum interviuvi e questionado dil suspektiti, ed anke pro lua realista rikreuro di granda parto de Los Angeles dum la pos-milita epoko, inkluze vehili, edifici, muziko e radio-kanali de ta tempo.
La rakonto en ula loki referas famoza krimini di ta epoko, exemple la kazo di Elizabeth Short, la Black Dahlia (nigra dalio).