Leo Beenhakker

Leo Beenhakker

Profesiono:	futbalisto, futbal-exercisto


Lando:	Nederlando
Naskodato:	2 di agosto 1942
Nasko-loko:	Rotterdam, Nederlando
Mortodato:	10 di aprilo 2025
Morto-loko:	Rotterdam, Nederlando

Leo Beenhakker (IFA ˈleːjoː ˈbeːnɦɑkər; 1942-2025) esis Nederlandan futbalisto e futbal-exercisto.

Beenhakker – futbalisto

Beenhakker kom junioro ludis en SC Maasstad Tediro e XerxesDZB, e kom senioro itere en SC Maasstad Tediro (sezono 1957/1958), itere en XerxesDZB (sezono 1960/1961) ed en Zwart-Wit '28 (sezono 1964/1965). Kom 23-evinta futbalisto mustis finar sua kariero pro vunduro di genuo.

Beenhakker – futbal-exercisto

Unesma klubo di la yun exercisto esis SV Epe en yari 1965-1967. Pose esis: SC Veendam (1968-1972), SC Cambuur (1972-1975) e Go Ahead Eagles (sezono 1975/1976). En yari 1979-1981 esis exercisto di AFC Ajax, e pose di Real Zaragoza (1981–1984) e FC Volendam (sezono 1984/1985). En yari 1985-1986 ilu divenis tempala futbal-exercisto di nacion-esquado di Nederlando. Sequanta klubi entrenita da Beenhakker esis Real Madrid CF (1986-1989) ed itere AFC Ajax (1989-1991). En 1990 ilu esis ofical exercisto di Nederlandana nacion-esquado. En 1992 ilu kurte duktis itere Real Madrid CF ed en sezono 1992/1993 entrenis Grasshopper Club Zürich. En yari 1993-1994 itere divenis exercisto di nacion-esquado – di Saudi-Arabia. En sezono 1994/1995 esis entrenisto di Club América, e pose İstanbulspor (1995) e CD Guadalajara (1996). Pos reveno a Nederlando ilu entrenis SBV Vitesse (sezono 1996/1997) e Feyenoord (1997-2000). En sezono 2003/2004 il itere entrenis Mexikiana klubo Club América. Kom 63-evulo en yari 2005–2006 Beenhakker divenis exercisto di nacion-esquado di Trinidad e Tobago, e pose en yari 2006–2009 – di Polonia. Sua kariero kom futbal-exercisto ilu finis en 2007 tempale entreninte Feyenoord.