Logan's Run (filmo)

De Wikipedio

Logan's Run esas usana filmo cienco-fiktiva di 1976, direktita da Michael Anderson e kun stel-aktori Michael York, Jenny Agutter, Richard Jordan, Roscoe Lee Browne, Farrah Fawcett, e Peter Ustinov.

La rakonto skribesis da David Zelag Goodman surbaze la libro Logan's Run da William F. Nolan e George Clayton Johnson.  Ol deskriptas utopiana futura socio surfacale, qua revelesas kom distopio ube la populo e la konsumeso di resursi mantenesas en equilibro per ocidar omnu qua atingas l'evo triadek yari.  La rakonto sequas l'agi dal karaktero Logan 5, "Sandman" qua ja mortigis altri qui probis eskapar morto e nun ipsa afrontas mortigeso.

Produktita da Metro-Goldwyn-Mayer, la filmo uzas nur la du bazala premisi dil romano: ke omnu mustas mortar ye fixa evo, e ke Logan e lua kompano Jessica probas eskapar dum chasesar da altra "Sandman" nomizita Francis.  Pos sensucesa probi adaptar la romano, rakonto-chanji facesis, inkluze plualtigar l'evo di "Lasta Dio" de 21 a 30 yari, ed enduktar l'ideo di "Carrousel" por eliminar ti qui atingas 30 yari.

La filmo ganis Specala Academy-Premio pro sua vidala efekti e sis Saturn-Premii, inkluze Maxim Bona Filmo Cienco-Fiktiva.  En 1977, TV-serio brodkastesis, ma nur 14 epizodi produktesis.

Rakonto[redaktar | redaktar fonto]

En la yaro 2274, la restaji di homala civilizuro habitas en klozita urbo sub grupo de geodeziala kupoli, utopio jerata da komputoro prisorgas omna lateri dil vivo, inkluze genito.  La civitani vivas hedonista* vivo ma, por preventar tropopulozeso, omnu mustas subisar la rituo "Carrousel" kande lu atingas l'evo 30.  Ibe, lu ocidesas ye la fingo di "rinovigesar.”

Por sequar to per la traci, singla persono enplantacesas ye nasko per "vivo-horlojo"-kristalo en lua manuo-palmo qua altrakoloreskas dum ke lu oldeskas, e cintilifeskas dum ke lu proximeskas sua "Lasta Dio.”  La maxim multa rezidanti aceptas ica chanco di rinasko, ma ti qui ne, e do probas fugar del urbo konocesas kom "Runners.”  Elitala esquado de policani konocata kom "Sandmen,” qui portas grandaparte nigra uniformi e servas agenterio dil urbo nomizita "Deep Sleep” (profunda dormo) engajesas por persequar e mortigar Runners dum ke li probas eskapar.