Mars Reconnaissance Orbiter
Mars Reconnaissance Orbiter esas kosmoprobilo di NASA, por studiar la geologio e klimato di Marso.
Ol lansesis ye 12ma di agosto 2005, ed arivis en marto 2006. En novembro 2006 ol eniris finala orbito, qua esis elipsala orbito irante super la poli di Marso. La skopo di la misiono esas studiar la sezoni e la cirkulado di l'atmosfero; serchar indikaji do aquo, prezenta e pasinta; e saveskar la geologio di la planeto.
La probilo anke povas provizar relayado di transmisaji de la surfaco di Marso a Tero; e studiar potenciala arivo-loki por futura misioni ed itinerarii por exploranta veturi.
Ye 29ma di septembro 2006 ol transmisis unesma detaloza imajo, e pose transmisis multa plusa imaji, qui klarigas la geologio di Marso. Ol ankore funcionas, preter la expektita vivo di la probilo.