Masakro de Oradour-sur-Glane

La masakro de Oradour-sur-Glane estis la detruo, la 10-an de junio 1944, de ĉi tiu franca vilaĝo en la departemento Haute-Vienne, situanta ĉirkaŭ dudek kilometrojn nordokcidente de Limoges, kaj la murdo de ĝiaj loĝantoj (643 viktimoj) fare de taĉmento de la 1-a Bataliono de la 4-a Panzergrenadier Regiment "Der Führer", apartenanta al la SS Panzer Division "Das Reich". Ĝi estis la plej granda masakro de civiluloj farita en Francio fare de la germanaj armeoj, simila al tiuj de Marzabotto en Italio, Distomo en Grekio (ankaŭ farita la 10-an de junio 1944), kaj Tulle en Corrèze (farita la tagon antaŭe, la 9-an de junio 1944, de la sama SS-divizio), kiu transmetis al la Okcidenta Fronto praktikojn, kiuj estis tre oftaj ĉe la Orienta Fronto.