Masakro di Damur
La masakro di Damur eventis dum l'interna milito di Libano (1975-1990) ye la 20ma di januaro 1976. Ol esas un de la maxim bone konocata masakri de kristana populi en Libano quin facis Palestinana milici dum la tota interna milito. La masakro esis reakto ye la masakro di Karantina da Libanana Falanji, du dii antee.
Damur esas kristan urbo an la voyo vers Beyrut. Ol atakesis da membri di OLP. Parto di la majoritate Maronita populo mortis dum kombati inter Libanani e Palestinani, altra parto ocidesis pose, evaluesas ke inter 250-584 civitani ocidesis, la plu-granda parto koaktesis fugar. OLP remplasis la da li ocidita Libanana populo per Palestinani. En 1982 l'Israelan armeo invadis Libano e chasis ica Palestinani por retrovenigar la lokala populo.