Masakro di My Lai
.jpg)
La masakro di Mỹ Lai (pron.: mi-lay) esis masakro eventinta la 16ma di marto 1968 da Usana soldati kontre ne-armizita civitani, precipue mulieri ed infanti, en la sud-Vietnamana vilajeto Mỹ Lai. Plu kam kinacent habitanti ocidesis. Kelka mulieri esis (grupe) violacita ante esar ocidata. 11 habitanti di la vilajeto transvivis, 10 salvita da helikoptero, 1 infanto qua reptis desub grupo de kadavri.
Pos la Tet-atako di januaro 1968 l'Usan inform-servo pensis posedar informo pri la celo-loko di la Vietkong, en la vilajeto di Mỹ Lai. Segun l'informo ne trovesis mulieri nek infanti en la vilajeto. La vespero di la 15ma di marto l'Usan infantrio-kompanio recevis la tasko blokusar la nordal ekireyo di la vilajeto. Kapitano imperis incendiar omno survoye ed ocidar omna Vietkong-soldati. Soldati asertis esir imperit ocidar singla personi en la vilajeto.
Inicie l'Usan armeo dicis ke l'operaco esis suceso e ke 128 Vietkongani ocidesis. En 1968 Usana soldato, Tom Glen, skribis letro ke l'armeo facis severa kruelaji kontre Vietnamana civitani.