Mexikia

De Wikipedio
(Ridirektita de Mexiko)
Jump to navigation Jump to search
Mexikia
Estados Unidos Mexicanos
Flag of Mexico.svg Coat of arms of Mexico.svg
Standardo di Mexikia Blazono di Mexikia
Nacionala himno:
Himno Nacional Mexicano
LocationMexico.svg
Urbi:
Chefurbo: México
· Habitanti: 8 605 239 (2000)
Precipua urbo: México
Lingui:
Oficala lingui: Ne havas. Hispana esas de facto.
Guvernerio:
Tipo: Republiko
· Prezidanto: Andrés Manuel López Obrador
Surfaco: (15ma granda)
· Totala: 1 972 550 km²
· Aquo: 2,5 %
· Totala: 123 982 528[1] (2018)
· Denseso di habitantaro: 57 hab./km²
Plusa informi:
Valuto: Peso di Mexikia
Veho-latero: dextre
ISO: MX
MEX
484
Reto-domeno: .mx*
Precipua religio: kristanismo
Oficala retosituo: http://www.presidencia.gob.mx/


Mexikia (México), oficale l'Unionita Stati Mexikiana (Estados Unidos Mexicanos), esas lando jacanta en Nord-Amerika. Lu havas kom vicini Usa norde e Guatemala e Belize sude. Este jacas Karibiana Maro, parto dil Oceano Atlantiko, e weste jacas l'Oceano Pacifiko.

Bazala fakti pri Mexikia

Historio[redaktar | redaktar fonto]

 Precipua artiklo: Historio di Mexikia

La maxim anciena homala restaji trovita en Mexikia evas de 21.000 yari ante Kristo. La vorto Mēxihco originas de la linguo Nahuatl, e nomizis la centro di l'imperio Azteka, nome la regiono dil Valo di Mexikia, ed anke nomizis lua populo, Mexiki.

En 1519 Hernán Cortés arivis en la regiono di nuna Cozumel, an la litoro di Mexikia. Ilu vinkis Azteka imperiestro Moctezuma la 2ma e konquestis Mexikia en 1521. Pos la konquesto di Tenochtitlán, Hispania establisis la Vicerejio di Nova Hispania.

Mexikia, pos lua nedependo de Hispania.

Mexikia divenis nedependanta de Hispania ye la 27ma di septembro 1821. Agustín de Iturbide quik proklamis su imperiestro di la lando, e guvernis til la 19ma di marto 1823 kande revolto establisis l'Unionita Stati di Mexikia. En 1824 lando adoptis nova konstituco e divenis republiko. Guadalupe Victoria divenis lua unesma prezidanto.

En 1836 generalo Antonio López de Santa Anna, diktatoro di lando 2 foyi, aprobis 7 legi (siete leyes) e suspensis la konstituco di 1824. Konseque, interna milito komencis, e kelka regioni deklaris nedependo: la Republiko di Texas, Río Grande ed Yukatan. Texas sucesis en obtenar nedependo, ed esis anexita da Usa pose. La frontierala disputo rezultis en la Mexikia-Usana milito, qua komencis en 1846 e duris dum du yari. La milito finis kun l'adopto di Traktato di Guadalupe-Hidalgo, qua koaktis Mexikia cedar preske la duimo di lua teritorio ad Usa.

Fusilagado di Maximilian la 1ma (pikturo da Édouard Manet.

En 1857 Mexikia adoptis nova konstituco qua establisis laika stato. Ye la 18ma di decembro 1857 Benito Juárez asumis la prezidanteso, e konfrontis konservema grupi. Juárez fugis de Guanajuato tra l'urbi di Guadalajara, Colima, e pose Manzanillo, por eskapar de la konservemi. Pro ke Mexikia suspensis pago di extera debi kun Francia, Unionita Rejio e Hispania, en 1861 Napoléon la 3ma sendis expediciono qua riestablisis la monarkio. L'arkiduko Maximilian la 1ma guvernis de la 10ma di aprilo 1864 til ke Juárez revokis lu kun la helpo Usana e Prusiana, en 1867. Maximilian la 1ma fusilagesis ye la 19ma di junio 1867.

Juárez duris en la prezidanteso ti 1872. Lua lasta yari en povo kritikesis forte dal liberali.[2] Pos lua morto, Sebastián Lerdo de Tejada asumis la prezidanteso, e pos rebeleso en 1876, Porfirio Díaz asumis povo. Ilu komandis direte o nedirete la guvernerio dum 35 yari til 1911, kande ilu renuncis kom rezulto di Mexikiana revoluciono.

 Precipua artiklo: Mexikiana revoluciono

La revoluciono komencis kom populala revolto kontre l'elektala fraudo, qua permisis Porfirio Díaz rielektesar 5-foye. Díaz renuncis e Francisco I. Madero elektesis prezidanto, ma revokesis ed asasinesis du yari pose. La generalo Victoriano Huerta asumis povo, ma la revoluciono rikomencis, komandita da, inter altri, Pancho Villa ed Emiliano Zapata. Altra grupo, komandita dal generalo Venustiano Carranza sucesis finigar l'interna milito, e modifikis la konstituco di 1857 por adicionar modifikuri qui atencis la revendiki de la revolucioneri. To rezultis la Mexikiana konstituco di 1917, uzata til nun.

On kalkulas ke 900 000 personi, de 15 lore milion habitanti, mortis dum la revoluciono. Carranza mortigesis en 1920. Lua sucedanto esis altra heroo de la revoluciono, Álvaro Obregón, pose sucedita da Plutarco Elías Calles. Obregón rielektesis en 1928, ma ocidesis ante asumar povo. Calles fondis la Nacionala Revolucionala Partiso (Partido Revolucionario Nacional, PNR), pose rinomizita Partido Revolucionario Institucional (PRI), qua guvernis Mexikia dum longa periodo.

Politiko[redaktar | redaktar fonto]

Mexikia esas prezidantala republiko. La chefo di stato e la chefo di guvernerio esas la prezidanto, nune Enrique Peña Nieto. Nuna konstituco adoptesis en 1917.

La parlamento havas 2 chambri: Senato (Senado), kun 128 membri, e Chambro di Deputati (Cámara de Diputados), kun 500 membri.

Geografio[redaktar | redaktar fonto]

Topografiala mapo di Mexikia.

Du montari krucumas Mexikiana teritorio: Sierra Madre Occidental e Sierra Madre Occidental ke esas prolonguro di Usana Rokoza montaro. De esto til westo en centro di lando, Sierra Nevada, kun lua volkani, krucumas Mexikiana teritorio. En ta regiono jacas la maxim alta monti di lando: Pico de Orizaba (5 700 metri di altitudo), Popocatépetl (5 462 m) ed Iztaccíhuatl (5 286 metri).

Mexikia dividesis ek 31 regioni konocita kom stati, plu lua chefurbo, México, qua formacas autonoma Federala Distrikto.

Aguascalientes, Basa Kalifornia, Basa Kalifornia Sudo, Campeche, Chiapas, Chihuahua, Coahuila, Colima, Durango, Guanajuato, Guerrero, Hidalgo, Jalisco, Mexikia, Michoacán, Morelos, Nayarit, Nuevo León, Oaxaca, Puebla, Querétaro, Quintana Roo, San Luis Potosí, Sinaloa, Sonora, Tabasco, Tamaulipas, Tlaxcala, Veracruz, Yukatan, Zacatecas.

Ekonomio[redaktar | redaktar fonto]

 Precipua artiklo: Ekonomio di Mexikia

L'ekonomio di Mexikia esas la 11ma maxim granda di mondo.

Demografio[redaktar | redaktar fonto]

Mexikia esas la maxim populoza lando dil mondo qua parolas Hispana[3]. La kresko dil habitantaro falis de 3,5% omnayare en 1965 til 0,99% omnayare en 2005. Preske 75% de la habitantaro vivas en urbi.

Katolikismo esas religio por 82,7% de lua habitanti. Altra kristani esas 9,7%.


La maxim granda urbi di [[{{{lando}}}]] (2010) La maxim granda urbi di Mexikia (2010)
Rango Nomo Provinco Regiono Habitantaro Rango Nomo Provinco Regiono Habitantaro
1ma México [[{{{provinco1}}}]] [[{{{regiono1}}}]] 8 851 080 11ma [[{{{nomo11}}}]] [[{{{provinco11}}}]] [[{{{regiono1}}}]] {{{hab11}}}
2ma Ecatepec de Morelos [[{{{provinco2}}}]] [[{{{regiono2}}}]] 1 665 015 12ma [[{{{nomo12}}}]] [[{{{provinco12}}}]] [[{{{regiono12}}}]] {{{hab12}}}
3ma Guadalajara [[{{{provinco3}}}]] [[{{{regiono3}}}]] 1 495 182 13ma [[{{{nomo13}}}]] [[{{{provinco13}}}]] [[{{{regiono13}}}]] {{{hab13}}}
4ma Puebla de Zaragoza [[{{{provinco4}}}]] [[{{{regiono4}}}]] 1 433 062 14ma [[{{{nomo14}}}]] [[{{{provinco14}}}]] [[{{{regiono14}}}]] {{{hab14}}}
5ma Ciudad Juárez [[{{{provinco5}}}]] [[{{{regiono5}}}]] 1 321 004 15ma [[{{{nomo15}}}]] [[{{{provinco15}}}]] [[{{{regiono15}}}]] {{{hab15}}}
6ma Tijuana [[{{{provinco6}}}]] [[{{{regiono6}}}]] 1 300 983 16ma [[{{{nomo16}}}]] [[{{{provinco16}}}]] [[{{{regiono16}}}]] {{{hab16}}}
7ma León [[{{{provinco7}}}]] [[{{{regiono7}}}]] 1 238 962 17ma [[{{{nomo17}}}]] [[{{{provinco17}}}]] [[{{{regiono17}}}]] {{{hab17}}}
8ma Zapopan [[{{{provinco8}}}]] [[{{{regiono8}}}]] 1 142 483 18ma [[{{{nomo18}}}]] [[{{{provinco18}}}]] [[{{{regiono18}}}]] {{{hab18}}}
9ma Monterrey [[{{{provinco9}}}]] [[{{{regiono9}}}]] 1 135 512 19ma [[{{{nomo19}}}]] [[{{{provinco19}}}]] [[{{{regiono19}}}]] {{{hab19}}}
10ma Nezahualcóyotl [[{{{provinco10}}}]] [[{{{regiono10}}}]] 1 104 585 20ma [[{{{nomo20}}}]] [[{{{provinco20}}}]] [[{{{regiono20}}}]] {{{hab20}}}
Mexico-12 (1).jpg
México
Mexico-12 (1).jpg
Ecatepec de Morelos
[[Arkivo:{{{imajo3}}}|180px]]
Guadalajara
[[Arkivo:{{{imajo4}}}|180px]]
Puebla de Zaragoza
Fonto: [4]


Kulturo[redaktar | redaktar fonto]

Mexikia ne havas oficala linguo en lua konstituco ma lando havas la maxim granda habitantaro qua parolas Hispana. Cirkum 5,4% de lua habitanti parolas indijena lingui - la precipua esas Nahuatl, kun 1,45 milion parolanti.

Mexikiana literaturo komencis ante Hispana konquesto. Dum koloniala periodo, la precipua skriptisti esis Juan Ruiz de Alarcón, Carlos de Sigüenza y Góngora e Juana Inés de la Cruz. Kelka importanta modern autori esas Alfonso Reyes, José Joaquín Fernández de Lizardi, Ignacio Manuel Altamirano, Juan Rulfo, Octavio Paz, Carlos Fuentes, ed altra. Octavio Paz ganis la Nobel-premio pri Literaturo en 1990.

Pikto esas un ek la maxim anciena arti en Mexikia. La maxim anciena pikturi en kaverni evas de 7,500 yari ante nun, e trovesis en Basa Kalifornia. Notora exemplo di anciena Maya- pikturi esas la murala pikturi de Bonampak e Teotihuacan. Pos l'arivo di Hispaniani, artisti quale Rodrigo de Cifuentes, la familio Echave o Cristóbal de Villalpando aparis, e komencis mixar religiala elementi e la tekniki di pikto de baroko a lokala kulturo. Dum la 20ma yarcento, Mexikian artisti quale David Alfaro Siqueiros, José Clemente Orozco, Joaquín Clausell, Frida Kahlo e Diego Rivera divenis mondale notora.

Tradicionala muziko inkluzas mariachi, banda, norteño, ranchero e corridos. Moderna muzikala stili, prizata nome por la yunaro, esas rock e pop. Exemple pri populara Mexikiana kantisti konocata en tota mondo esas Thalía, Luis Miguel, Alejandro Fernández e Paulina Rubio.

Mexikiana cinemo esas un ek la maxim importanta de Latin-Amerika. L'unesma filmi montresis en lando ja en 1896. En 1898 komencis cinematografar en Mexikia. L'Ora epoko por Mexikiana cinemo eventis de 1936 til 1959, kande nomi quale la filmifisti Fernando de Fuentes e Luis Buñuel, e l'aktori Dolores del Río, María Félix, Pedro Armendáriz, la komediisto Cantinflas, e l'Arjentinia aktorino qua verkis en Mexikia Libertad Lamarque divenis mondale notora. Nune Salma Hayek esas un de la precipua aktorini di Hollywood.

Mexikiana Folklorala Baleto, 1970.

La folklorala danso mixas elementi de indijena, Hispana ed Afrikana kulturo. Indijena dansi preske desaparis kun la koloniigo, ma kelk elementi de lua dansi transvivis e modifikis la dansi adportita de Hispania. Tradicionala dansi transvivis e lua prezervo stimulesis Pos la nedependantesko e precipue pos la Mexikiana revoluciono, en esforco por prezervar la nacional identeso.

Referi[redaktar | redaktar fonto]

  1. CIA The World Factbook
  2. González y González, Luis (2009) "El liberalismo triunfante", en Daniel Cosío Villegas et al., Historia general de México, pp. 633-705, El Colegio de México, México
  3. "Spanish Language History" - Today Translations
  4. Lamudi - México. Las 10 ciudades más pobladas de México y del mundo. URL vidita ye la 9ma di januaro 2019.