Milito pri sucedo en Turingia
| Milito pri sucedo en Turingia | |||
| |||
| Tombi di landgravi di Turingia. | |||
| Dato: | 1247 til 1264 | ||
| Loko: | Turingia, Hesia | ||
| Rezulto: | Dinatio Wettin prenis kontrolo di Turingia, e landgravio Hesia kreesis. | ||
| Margravio di Misnie Elekterio Kurmainz |
↔ | Dukio Brabant Dukio Braunschweig-Lüneburg Germana kavalieri | |
| Henrikus (Heinrich) la 3ma di Meissen | ↔ | Sophie de Turingia, dukino de Brabant Albert la 1ma, duko de Brunsvig Henrikus la 2ma de Anhalt-Aschersleben | |
| sen informo | ↔ | sen informo | |
| ? | ↔ | ? | |
La Milito pri sucedo en Turingia (Germane: Thüringisch-hessischer Erbfolgekrieg) esis militala konflikto pri la sucedo di Heinrich Raspe, lasta margravo di Turingia (qua nun esas stato de moderna Germania) mortinta en 1247. La rezulto di la milito esis la divido dil anciena posedaji di Raspe - Turingia e l'anciena komtio Hesia - inter lua femina heredinti.
La morto sen heredinti di Heinrich Raspe, margravo di Turingia, dum batalio ye la 16ma di februaro 1247 extingis maskula lineo di Ludovingiana dinastio. En nula ek lua tri mariaji naskabis filii. Un ek lua parenti maxim proxima esis Sophie de Turingia, filiino de lua fatulo Ludovikus (Ludwig) la 4ma, qua mariajabis kun la duko de Brabant. L'altra esis Henrikus (Heinrich) la 3ma, Markezo de Meissen, quq esis filiulo de Jutta de Hesia, l'altra filiino de Ludovikus la 4ma.
Sophie divenis vidvo ye la sequanta yaro, 1248. En 1254, elua filiino Elisabeth mariajis duko Albert la 1ma, duko de Brunsvig. En 1256 ed en 1260, la trupi komandita da Albert la 1ma vinkis importanta batalii.
Entote la milito duris dum plua kam 17 yari. Sophie ne sucesis kontrolar la tota teritorio dil anciena margravio; tamen el grantis la posedo di Hesia, qua divenis separita landgravio kontrolita da la duko di Brabant. Per la pakto qua finis la milito, la markezo de Meissen mantenis kontrolo di Turingia e recevis la titulo "landgravo".