Mondala Kupo di Futbalo 2014

De Wikipedio
Jump to navigation Jump to search
Joseph Blatter, prezidanto di FIFA, anuncas Brazilia kom eventeyo por la Mondala Kupo di Futbalo en 2014.
stadio Maracanã, en Rio de Janeiro, loko ube eventis la lasta partio di la Mondala Kupo di Futbalo en 2014.

La Mondala Kupo di Futbalo en 2014 esis futbalo-championkonkurso qua eventis en Brazilia de la 12ma di junio til la 13ma di julio 2014, kun la partopreno di 32 esquadi, inkluzite la Braziliana. Lore a Mondala Kupo di Futbalo eventis en Brazilia duesmafoye. L'unesma esis en 1950.

Entote eventis 64 partii til la finala en la stadio Maracanã ye la 13ma di julio 2014, inter Arjentinia e Germania. Germania vinkis la partio per 1-0 e divenis championo di futbalo por la 4ma foyo en lua historio. James Rodríguez de Kolumbia esis la maxim efikiva atakanto: entote ilu facis 6 goli dum la Kupo. L'Arjentiniano Lionel Messi konsideresis la maxim bona ludisto.

Dek e du urbi Brazilian aceptis la partii: São Paulo, Rio de Janeiro, Brasília, Belo Horizonte, Salvador, Recife, Fortaleza, Porto Alegre, Manaus, Curitiba, Natal e Cuiabá. Sep urbi konstruktis nova stadii, e la kin cetera (Rio de Janeiro, Fortaleza, Salvador, Curitiba e Porto Alegre) reformis stadii.

Demonstro kontre la Mondala Kupo di Futbalo en Copacabana ye la 12ma di junio.

L'urbi amelioris lua substrukturi, precipue transportala e voyala, por bone aceptar la turisti. Dum la Mondala Kupo di Futbalo la lando aceptis cirkume 1 milion stranjera turisti de 202 landi, e la festi organizita da FIFA aceptis entote 5 milion personi.[1] Altralatere, l'organizo di la Kupo produktis multa kontroversi, exemple demonstri kontre la spensi por konstruktar o plubonigar stadii kontraste la nesuficanta koloko por plubonigar publika hospitali o skoli.

Referi[redaktar | redaktar fonto]