Neidentigita fluganta objekto

De Wikipedio
Jump to navigation Jump to search

Neidentigita fluganta objekto esas supozita cielala fenomeno, qua perceptesas kom fluganta objekto ma ne esas klare identigita. Neidentigita fluganta objekti ofte konsideras da certena personi kom exterterana spaconavi ed en populara kulturo ya divenabis sinonima kun diskatra spaconavi ofte nomata "fluganta diski" en lingui natural.

Segun ciencala studii la majoritato di neidentigita fluganta objekti esas misidentifikita naturfenomeni o normala objekti, quale avioni, aerostati o nubi. Mikra proporciono ne esas explikita e do esas la kontroverso-temo inter kredanti ye vizitanta exterterani e nekredanti, quale skeptiki e multa ciencisti.

"Fluganta diski" divenis temo en lektaji por yunuli pri spaconavi dum la 1920ma yari ed aparis en populare kulturo dum la 1950ma yari, kande la termino "neidentigita fluganta objekto" erste aparis. L'asociado kun science fiction ankore duras, ma en ula landi multa homi kredas ke ca objekti vere esas spaconavi od armeal armi. Famoza filmi en qua neidentigita fluganta objekti aparas, esas The War of the Worlds, E.T. the Extra-Terrestrial, Predator, Roswell, Independence Day, Mars Attacks!, Men in Black ed Avatar.