Oliviero Toscani
Oliviero Toscani (pron.: olivyero-toskani; n. Milano, la 28ma di februaro 1942 – m. Cecina, la 13ma di januaro 2025) esis Italiana fotografisto.
Oliviero Toscani esis filiulo di Fedele Toscani, fotografisto por la jurnalo Corriere della Sera. Evante 14 Oliviero publikigis sua unesma fotografuro en Corriere. Il komencis laborar en la reklamerio, ilua unesma reklamo esis por glaciiferio Algida. Per la reklamo il introduktesas a la revui di modo, por qui il komencas laborar, interaltre Elle, Vogue, GQ, Harper's Bazaar, Esquire, Stern, l'Uomo Vogue e Donna.
Dum la yari 1980 Toscani obtenis granda suceso por la marko Benneton, por qua il konceptis e produktis reklamo-kampanio uzante kontroversala temi dil epoko, quale puniso di morto, rasal egaleso, homeosexual-odio, SIDA, ne hezitinte montrar morto-kondamnito, agonianta viktimo di SIDA (David Kirby 1990), kamizo sango-makulizita di mortinta soldato en l'interna milito di Bosnia. En 2007 il emocigis la mondo per kampanio kontre anorexio kun fotografuro de anorexio-sufranto Isabelle Caro. Il editis la revuo Colors (kolori), editita da Benneton.