Orestes Quércia

De Wikipedio
Irez ad: pilotado, serchez
Orestes Quércia
Orestes Quércia em Avaré 310806 REFON.jpg
Profesiono: entraprezisto e politikisto
Lando: Flag of Brazil.svg Brazilia
Naskodato: 18 di agosto 1938
Nasko-loko: Pedregulho, Sao Paulo, Brazilia
Mortodato: 24 di decembro 2010
Morto-loko: Sao Paulo, Sao Paulo, Brazilia

Orestes Quércia (1938 til 2010) esis Braziliana politikisto. Dum lua vivo, il esis urbestro di Campinas, senatano por Sao Paulo e la 28ma guberniestro dil stato Sao Paulo. Il anke esis advokato ed entraprezisto, proprietinto dil jurnali Jornal de Campinas e DCI, e de la radio Brasil FM Rádio Nova. Il anke aquiris televiziono-brodkasteri TVB Campinas e TVB Santos. Ilu kontrolis lua entraprezi di komuniko tra lua entraprezo di koloko "Sol Investment Group"[1].

Politikala kariero[redaktar | redaktar fonto]

Quércia komencis lua politikala kariero kom komonala konsilisto en Campinas en 1962 per la Liberala Partiso. Pos l'implanto dil militistala rejimo en 1964, l'anciena partisi desaparis, e Quércia eniris nova partiso MDB, qua opozis la militistala rejimo. En MDB Quércia elektesis kom federala deputato en 1966 e pose kom urbestro di Campinas en 1968.

En 1974 ilu vinkis elekto por senato kontre Carvalho Pinto, de ARENA. Quércia kritikis la guvernerio di Ernesto Geisel e kreskis politikale en MDB. En 1982 ilu kandidateskis por vice-guberniestro del kandidato Franco Montoro, qua elektesis la sequanta yaro. En 1986 il prizentis lua nomo kom kandidato a guberniestro en la partiso PMDB, e vinkis l'ex-guberniestro Paulo Maluf ed l'entraprezisto Antônio Ermírio de Moraes.

Quércia restis kom guberniestro di Sao Paulo til 1990, e helpis elektar Luís Antônio Fleury Filho kom lua sucedinto. Malgre ke ilu faliis kom kandidato a la prezidanteso di Brazilia en 1989, ilu restis importanta politikala figuro en lua partiso til lua morto pro prostato-kancero en 2010.

Referi[redaktar | redaktar fonto]

  1. "Sol Invest acquires Panamby." South American Business Information. COMTEX News Network, Inc. 2002.HighBeam Research. 2 May. 2011