Organizuro dil Traktato di Sud-Estal Azia

Prezidanto Marcos e prezidanto Johnson dum la OTSEA-konfero en Malacañang Palaco (1966)

L'Organizuro dil Traktato di Sud-Estal Azia (OTSEA) esis pakto pri sekureso inter l'ocidento e l'antikomunistala landi en Sud-est Azia dum la Kolda Milito.

OTSEA fondesis la 8ma di septembro 1954 kom rezultajo di reteno-politiko dil ocidentala landi, precipue Usa. Kun ONAT e la Pakto di Bagdad ol devis provizar zono protektiva cirkum la komunistala landi.