Papo

De Wikipedio
Jump to navigation Jump to search
La klefo e la tiaro esas la simboli di la papeso.

Papo (Latine papa, de la Greka πάππας pappas,[1] signifikante "patro")[2] anke konocita kom suprega pontifiko (Latine: pontifex maximus) esas l'episkopo di la dioceso di Roma e la chefo di Katolik eklezio. Ilu anke esas la chefo di stato di Vatikano.

Dum la komenco di Kristanismo la vorto "papo" uzesis por omna episkopi,[3] note en l'Oriento, e por altra seniora membri dil klerikaro. Pose ca titulo rezervesis por la chefo dil episkopeyo di Roma, e la rezervo divenis oficala dum la 11ma yarcento.

Katolik eklezio asertas ke la pastorala ofico dil Eklezio komencis kun grupo di apostoli, kun Santa Petrus kom lia chefo. Segun l'Eklezio Katolika, Iesu Kristo indikis Petrus kom chefo di lua Eklezio, e pos lua rivivigo Petrus iris a Roma e fondis komunitato kristana ibe. To suportis la kresko di papal autoritato. Til nun l'altra titulo di la papo esas "episkopo di Roma", e la papi konsideresas sucedanti de Petrus. Fakte l'autoritato dil papo evolucionis pokope dum la yarcenti.

Papi dum la Historio[redaktar | redaktar fonto]

 Precipua artiklo: listo di la papi

Referi[redaktar | redaktar fonto]

Wikipedio
Wikivortaro explikas
ca rubriko
en altra lingui: Papo
  1. American Heritage Dictionary of the English Language. Education.yahoo.com. URL vidita ye la 11ma di agosto 2010.
  2. Liddell and Scott. Oxford University Press. URL vidita ye la 18ma di februaro 2013.
  3. (2005) - Oxford Dictionary of the Christian Church - . Oxford University Press.