Paradiso (Amsterdam)
Paradiso esas nokto-klubo en Amsterdam, proxim la Leidseplein. Ol funcionas kom koncerteyo di pop-muziko, ube multa famoza internaciona bandi pleis e pleas. La granda salono povas kontenar 1500 vizitanti. Ye l'unesm etajo esas plu mikra salono por 250 personi e kelkafoye eventas koncerti en la kelero.
L'edifico (arkitekto Gerlof Salm, konstruktita 1880) apartenis la religioz uniono Vrije Gemeente ed okupesis en 1967 da hipii qui volas havar propra klubeyo. Pos esir liberigata da la polico, la municipo di Amsterdam atribuis l'edifico en 1968 al asociuro Paradiso, por koncerti e kultural eventi di yuni. De la komenco bone konocata bandi quale Pink Floyd, The Pretty Things e Captain Beefheart pleis en Paradiso, quo kontributis a la destino dil edifico kom koncerteyo.