Pasko

De Wikipedio
Rivivigo di Kristo da Albrecht Altdorfer.

Pasko esas Kristana festo solena qua memorigas la rivivigo di Iesu. Ol esas la maxim importanta festo di Kristanismo.

La nomo Pasko o Juda Pasko ulafoye uzesas anke por nomizar la Juda festo Pesaho qua memorigas la ekiro dil Judi de Egiptia.

Dato di Pasko[redaktar | redaktar fonto]

La dio di Pasko ne esas fixa kalendarie. La Kristani festas Pasko ye la unesma sundio pos la unesma plena luno di printempo. Konseque, en la Gregoriala kalendario ol esas sundio inter la 22ma di marto e la 25ma di aprilo por la westal eklezii, foye plu tarde por la estal eklezii.

Exemple Pasko eventas:

  • en 2020: la 12ma di aprilo (westal eklezii) e la 19ma di aprilo (estal eklezii)
  • en 2021: la 4ma di aprilo (westal eklezii) e la 2ma di mayo (estal eklezii)
  • en 2022: la 17ma di aprilo (westal eklezii) e la 24ma di aprilo (estal eklezii)

Festodii[redaktar | redaktar fonto]

La Paskala sundio, quale omna sundii, esas libera dio en omna landi kun Kristana tradiciono. Anke la santa venerdio qua preiras Pasko esas libera dio en plura landi, exemple Brazilia, Arjentinia, Mexikia, Kanada, Britania, Germania, Norvegia, Kamerun. Ed anke la Paskala lundio qua sequas la Paskala sundio esas libera dio en ula landi, exemple Arjentinia, Mexikia, Francia.

Populala tradicioni[redaktar | redaktar fonto]

Multa tradicioni qui existis dum Antiqueso por celebrar la riveno di printempo kunligesis a Pasko.

Paskal ovi Ukrainiana.

Paskal ovi[redaktar | redaktar fonto]

La Paskal ovi esas la maxim disdonita donacajo lor Pasko. Ofte on celas chokolada ovi en gardeno por ke infanti trovez li. Ovo simbolizas la jermifado komence di printempo.

Paskala leporo[redaktar | redaktar fonto]

Wikipedio
Wikipedio
Wikivortaro explikas
ca rubriko
en altra lingui: Pasko

Leporo simbolizas fekundeso. On ofte donacas chokolada lepori, same kam chokolada ovi.