Irez a kontenajo

Pensacola, Florida

De Wikipedio
Pensacola
Kelk imaji pri Pensacola.
Blazono
Lando: Usa
Stato: Florida
Informo:
Latitudo: 30°25′17″N
Longitudo: 87°13′02″W
Altitudo: 16 m
Surfaco: 106,52 km²
Habitanti: 54312 (2020)
Denseso di habitantaro: 911 hab./km²
Disto de Tallahassee: 316,2[1] km
Horala zono: UTC-6
(UTC-5 dum somero)
Urbestro: Darcy Curran Reeves[2]
Mapo di Pensacola
Oficala retosituo:
cityofpensacola.com
Obelisko erektita che Placo Ferdinandus la 7ma, por homajar generalo William Dudley Chipley, qua rikonstruktis Pensacola pos l'interna milito.

Pensacola esas urbo che komtio Escambia, Florida, Usa. Segun la demografiala kontado di 2020, ol havis habitanti, kontre 56 255 habitanti en 2000. Lua tota surfaco esas 102.7 km², equivalanta a 39.7 mi², di qui 58.8 km² (22.7 mi²) esas lando e 43.9 km² (17.0 mi², o 42.77% de la surfaco totala) esas aquo.

Ol esas la maxim granda urbo di metropolala regiono samnoma, qua havis 509 905 habitanti en 2020, e 412 153 habitanti en 2000. L'urbo ank esas marala portuo che bayo di Pensacola, qua apartenas a Gulfo di Mexikia.

Pensacola ank esas konocata kom "L'Urbo di la 5 Standardi", nam standardi de 5 diferanta nacioni uzesis dum olua historio: Hispania, Francia, Granda Britania, Kunfederita Stati di Amerika, ed Usa.

Pensacola, 1885

L'urbo fondesis da Hispani en 1698 sub kompleta nomo "San Carlos de Penzacola". Ol divenis la chef-urbo ekonomiala (e, fakte, politikala) di westala Florida.

Per tale nomizta "kontrato Adams-Onís" de 1819, Hispana imperio aceptis cedar Florida ad Usa. Tamen, Hispani ratifikis la kontrato erste en 1821. En marto ta yaro, Andrew Jackson divenis l'unesma guvernisto dil teritorio, e recevis kom tasko surveyar la transfero di teritorii di estal e westal Florida ad Usa. Jackson Partoprenis la ceremonio ye la 21ma di julio, kande Hispana standardo abasesis, ed Usana standardo levesis. Ilu diskursis dum la ceremonio, e deklaris ke Pensacola esus la chef-urbo di la teritorio.

Ye la 3ma di marto 1845, Florida divenis la 27ma stato Usana, e Tallahassee selektesis kom chef-urbo, vice Pensacola.

Demografio

[redaktar | redaktar fonto]

Segun la demografiala kontado di 2000, esis 56 255 homi, 24 524 hemanari, e 14 665 familii qui rezidis en la urbo. La denseso di habitantaro esis 956.8/km² (2 478,7/mi²). Esis 26 995 domi kun mezvalora denseso di 459.2/km² (1 189,4/mi²). Segun raso, esis 64.91% Blanki, 30.58% Negri od Afrikan-Usani, 1.77% Aziani, 0.52% indijeni Amerikana, 0.06% Pacifik-insulani, 0.54% de altra rasi, e 1.61% de du o plura rasi, e 2.07% de la habitantaro esis Hispan-Usani o Latin-Amerikani de irga raso.

Esis 24 524 hemanari, di qui 24.6% havis pueri od adolecanti evanta min kam 18 yari en la domo, 39.7% esis mariajita e habitis kune; en 16.7% muliero sen spozulo esis la domo-chefo, e 40.2% esis ne-familii. En 32.9% de omna hemanari vivis sola individuo, e 11.7% habitesis da singla individuo evanta 65 yari o pluse. La mezvalora grandeso po hemanaro esis 2.27 personi e la mezvalora grandeso po familio esis 2.92 personi.

Populo: 22.9% evanta min kam 18 yari, 8.9% de 18 til 24 yari, 26.9% de 25 til 44 yari, 24.0% de 45 til 64 yari, e 17.2% evanta 65 yari o pluse. La mezvalora evo esis 39 yari. Po singla 100 mulieri esis 88.5 viri. Po singla 100 mulieri evanta 18 yari o pluse esis 84.7 viri.

La mezvalora revenuo po hemanaro en l'urbo esis US$ 34 779, e la mezvalora revenuo po familio esis US$ 42 868. La mezvalora revenuo por la viri esis US$ 32 258 kontre US$ 23 582 por la mulieri. La revenuo per capita por la urbo esis US$ 21 438. Vivis sub la povreso-lineo 16,1% de la habitantaro e 12,7% de la familii, inkluzite 26,2% ek omna habitanti evanta min kam 18 yari, e 9,2% ek omna habitanti evanta 65 yari o pluse.

  1. https://www.rome2rio.com/s/Tallahassee/Pensacola
  2. D.C. Reeves is elected next mayor of Pensacola, wins with enough votes to avoid runoff - Publikigita da Pensacola News Journal. URL vidita ye 23ma di novembro 2022. Idiomo: Angla.