Pescado frito

De Wikipedio
Pescado frito
"Molls", pescado frito (España).

Pescado frito (en Ido: fritita fisho) esas fishdisho quo devenas de la hispana e portugalana koquarto.  De ibe la disho difuzesis ad altra landi di Europa e Sud-Amerika.

La disho preparesas per surface senaquigar fisho, salizar e piprizar ol, e lore "panizar" ol per farino.  Pose la fisho fritesas dum cirkume quar minuti en oleo til ke ol esas oreabruna.  Existas diversa varianti di la disho, exemple per arozar la fisho per limonsuko o pretrempar ol en biro.

Pescado frito esas la origino di la britana disho fish and chips, nam fuginta Sefardi-judi kunportis la disho ek Hispania e Portugal en la 16ma yarcento.  Pose la disho kombinesis kun la franca-belga tradiciono fritar terpomi, duktinte a la kreo dil disho fish and chips.