Pesto di Justinianus
La Pesto di Justinianus esis pandemio qua regnis l'est-Romaniana o Bizancan Imperio dum la yari 541-543 p.K. La maxim multe agnoskita kauzo esis la bubono-pesto, la sama qua 800 yari plu pose efektigis la Nigra Morto. La social e kulturala konsequantaji esis simila. La morbo frapis Central e Sud-Azia, Nord-Afrika e la tota mediteraneala regiono ed Europa, til Dania ed Irlando. Moderna historiisti nomizis la pandemio segun la lora imperiestro Justinianus la 1ma, qua sufris la morbo ma transvivis, kontraste ilua sam-epokani. La bubono-pesto efektigesis da bakterio Yersinia pestis, olqui transdonesis da pulci di rati. Plu recenta explori (2017) montris ke la bakterio anke intertransdonesas da homi.