Platon

De Wikipedio
Jump to navigation Jump to search
Platon
Plato Pio-Clemetino Inv305.jpg
Okupeso: Filozofo, instruktisto
Lando: Flag of Greece.svg Grekia
Naskodato: 7 di mayo 427 BC, 21 di mayo 429
Nasko-loko: Athina (Grekia)
Mortodato: 346 BC
Morto-loko: Athina (Grekia)

Platon esis tre filozofo de l'anciena Grekia. Ilu vivis de 427 aK til 347 aK. Ilu esis dicipulo di Sokrates e pose instruktisto di Aristoteles. Platon skribis pri multa temi di la filozofio qui duras esar diskutata. Fakte, la moderna filozofo (Alfred North Whitehead) dicis ke omna filozofio pos Platon esas simple komenti pri lua skribaji.

Platon fondis skolo en Athina, l'Akademio. De ta la moderna vorto "akademio" venas.

Il ofte verkis sua pensaji en la formo di dialogi, qui apertenas a la maxim bona literaturo filozofiala, pro ke Platon esis splendida dramaturgo. Sokrates ofte esas la protagonisto en ta dialogi.

En lua verko "La Republiko" (Greka Πολιτεία, politeía) skribita en formo di dialogo kun Sokrates, ilu ponderis pri quale esus la urbo-stato ideala: segun Platon, ol mustis dividesar en tri (sociala) klasi: la laboristi, la militisti e la guvernisti. La guvernisti mustus studiar filozofio, por deskovrar e savar quale esus la maxim bona kozi por la socio. Pro to on ofte nomas la guvernisti dil idealo di Platon "filozofo-reji". Por la klasi di militisti e di guvernisti la proprietajo mustus esar komuna. Segun Platon, sen havar individuala posedaji, militisti e guvernisti ne havus "amo a la richeso" - kauzo, segun ilu, di multa ne-yustesi.

Il partigis l'anmo en tri parti: konocado, emoco ed impulso. L'anmo esus senmorta segun lu.

Citajo[redaktar | redaktar fonto]

Cquote1.png La maxim multa homi di povo divenos maligni. Cquote2.png