Pluvozeso

De Wikipedio
Irez ad: pilotado, serchez
Landi segun lia mezavalora pluvozeso yarala.
Forta pluvo en strado di Saigon, Vietnam.

En meteorologio, pluvozeso esas la quanto di pluvo, pluveto, nivo o greluno - to esas, aquo en formo liquida o solida - qua, pos kondenso, falas de la nubi super ula punto de la surfaco di la Tero dum certa periodo. To esas parto de la ciklo dil aquo, e permisas l'existo di vivo super la Tero.

L'aquo di la surfaco, pos vaporeskar, acensas en l'atmosfero e, pos atingar la saturopunto, formacas mikra guti en la nubi. La guti di aquo gradope unionas e, pos atingar certa maso, li precipitas pro la forco di la gravito. Omnayare, la pluvozeso mezavalora en la tota planeto esas 505 mil km³, di qui 398 mil km³ falas super l'oceani. To signifikas ke la mezavalora pluvozeso super la planeto esas 990 mm, ma se on kalkulas nur la mezvalora pluvozeso super la tereni, ol esas 715 mm omnayare.