Pokémon Go

De Wikipedio
Irez ad: pilotado, serchez
Homi ludanta Pokémon Go en London, Britania

Pokémon Go esas video-ludo dil sorto "augmentata realeso".  Ol esas programeto ("app") quon on povas instalar che onua portebla telefonilo.  Ol til nun esas obtenebla en Australia ed Usa, ed anke en Europa.

Ludanti interagas kun la reala mondo.  La skopo esas trovar fiktiva animaleti ("Pokémon") en diversa loki e kaptar oli.  La programeto esas gratuita e rapide divenas tre populara.

Esas ja sucii pri la sekureso di ludanti.  La precipua sucii esas distrakteso di ludanti, quo povus krear danjero por li e mem por altra strado-uzanti; e la posibleso, ke ludanto luresus a certena loko en la reala mondo.

Ja esas raporti di problemi, exemple kande ludanti kunvenis che domo di ulu, quo esis olim kirko.  Esas anke raporti di ne-grava vundi produktita da fali.  Ula fairo-autoritato en Australia rimemorigis ludanti, ke li devas cesar atencar sua telefonilo, e regardar vicee la strado ante transirar ol.

Ula muzei en Usa demandis homi ne ludar Pokémon Go en sua tereno.