Provinco Córdoba, Arjentinia

Córdoba Provinco di Arjentinia Montaro Sierras de Córdoba. Chefurbo Córdoba Maxim granda urbo Córdoba Oficala linguo o lingui: Hispana Surfaco 165 321 km² Habitanti Denseso di habitantaro 3 840 905 (2022) 23.58 hab./km² Guberniestro Martín Llaryora (PJ-HUpC) Posto-kodexo abreviuro Cba Horala zono UTC-3 TNP (yaro) USD 38,7 miliardi Reto www.cba.gov.ar

Córdoba esas provinco di Arjentinia. Jacanta centre de la lando. Ol havas kom vicini provinci Santiago del Estero norde, Santa Fe este, Buenos Aires sud-este, La Pampa sude, San Luis sud-weste, La Rioja weste, e Katamarka nord-weste. Segun la demografiala kontado di 2022, ol havis habitanti.

Historio

Expediciono di Diego de Rojas.

Ante l'arivo di Hispani, la regiono habitesis da aborijeni Comechingones e Sanavirones. Diego de Rojas esis l'unesma Hispano qua exploris la montoza regiono konocata Hispane kom Sierras de Córdoba. Rojas departis de Cuzco kun 300 soldati, kun skopo deskovrar provinco inter Chili e fluvio Plata, ma konfrontis forta rezisto di aborijeni Comechingones. Rojas mortigesis, e l'expediciono retroiris a Cuzco. Pos la kreo di vicerejio Peru, la nuna provinci Tukuman e Córdoba enkorpigesis ad ol.

Ye la 6ma di julio 1573, Jerónimo Luis de Cabrera fondis urbo Córdoba de Nueva Andalucía, an la rivi di rivero Suquía. Til 1620 ol esis loko por komerco di sklavi.

Geografio

Monto Los Gigantes, kun 2340 metri di altitudo, che Pampa de Achala.

Córdoba, jacanta norde de la geografiala centro di Arjentinia, esas la 5ma maxim vasta provinco di la lando. La precipua karakterizivo di la regiono esas vasta planajo kovranta 2/3 de lua teritorio e l'existo di 3 granda montokateni qui, ensemble, formacas regiono konocata kom Sierras de Córdoba. La maxim estala montokateno komencas weste del urbo Córdoba, ed atingas altitudi di cirkume 1000 metri en sua sudala porciono, e ed altitudi di 1500 metri norde, kun maxima altitudo di 1950 metri che monto Cerro Uritorco. Weste de ta montokateno existas du vali, qui koncentras atraktivi por turisti: valo Calamuchita sude, e valo Punilla norde, ube existas pitoreska urbeti, exemple Villa Carlos Paz, Cosquín, La Cumbre, e La Falda.

Weste de ca vali existas montokateno nomizita Sierras Pampeanas o Sierras Grandes, paralele ad Andi. L'altitudi di ta zono augmentas, e formacas platajo kun 2000 o mem 2300 metri di altitudo, konocata kom Pampa de Achala. La maxim alta monto en ta zono esas Cerro Champaqui, kun 2750 metri di altitudo.