Pygmalion (teatrajo)

De Wikipedio
Irez ad: pilotado, serchez
Ilustruro del originala pleo en 1913

Pygmalion esas teatrajo da George Bernard Shaw, nomizita pro greka mitologiala figuro.  Ol unesme prizentesis sur ceneyo a la publiko en 1913.

Profesoro di fonetiko Henry Higgins parias ke il povas edukar desordinita "Cockney"-a floro-vendistino, Eliza Doolittle, aceptesar kom dukino che garden-partio di ambasadisto per docar ad el asumar semblo di jentileso, di quo la maxim importanta elemento, segun Higgins, esas perfekta parolo.  La dramato esas satiro di la rigida britana klaso-sistemo lora e komentaro pri la nedependo di mulieri.

En anciena greka mitologio, Pygmalion amoreskis un ek sua skulturi, quo lore viveskis.  La generala ideo di ta mito esis populara temo por angla dramatisti dil Viktoriana epoko, inkluzante influanto di Shaw, W. S. Gilbert, qua skribis sucesoza dramato fondita sur la rakonto "Pygmalion and Galatea" unesme prizentita en 1871.  Pygmalion adaptesis plurafoye, remarkinde kom la muzikalo My Fair Lady ed olua filmo-versiono.

Shaw mencionis ke la karaktero Professoro Henry Higgins inspiresis da plura britana profesori di fonetiko dum ta epoko: Alexander Melville BellAlexander J. Ellis, Tito Pagliardini, ma avan ti omna, la disputema Henry Sweet.

Shaw skribis la teatrajo en 1912 e lektis ol a famoza aktorino Sno. Patrick Campbell en junio.  El konsentis plear, ma elua maladeso kontributis a tardigo dil pleo en London, Anglia.  Ol pleesis che la Hofburg-Teatro en Wien ye 16ma oktobro 1913, per germana tradukuro.  Ol pleesis en Nov-York ye 24ma marto 1914 che la Irving Place Teatro.  Ol unesmafoye pleesis en London ye 11ma aprilo 1914, che la His Majesty's Teatro di Sir Herbert Beerbohm Tree kun Sno. Campbell kom Eliza Doolittle e Sro. Tree kom Higgins; la unesma di 118 plei.