Ralph Nader

De Wikipedio
Salti al navigilo Irez a serchilo
Ralph Nader
Ralph-Nader-1975.jpeg
Profesiono: advokato
Lando: Flag of the United States.svg Usa
Naskodato: 27 di februaro 1934
Nasko-loko: Winsted, Connecticut
Mortodato:
Retoloko: http://www.nader.org/

Ralph Nader (naskinta ye la 27ma di februaro 1934) esas Usana yuristo, aktivisto, politikisto e skriptisto. Il esis sinistra nedependanta kandidato por la prezidanteso en 1996, 2000, 2004 e 2008.

Nader divenis eminenta en 1965 pro sua libro Unsafe at Any Speed, en qua il kritikis la sekureso di diversa automobili. Ilu fondis l'aktivist organizuri Public Citizen, Public Interest Research Group e Center for Auto Safety. Il anke divenis aktiva kom aktivisto pri la medio ed opozeskis nuklear energio dum la yari 1970ma.

Lua prezidantala kandidateso en 2000 divenis tre kontroversala. Nader recevis 2.74% dil voti. En Florida la marjino enter George W. Bush e Al Gore esis 537 en la definitiva kontado. Ok altra kandidati recevis plu multa voti kam ita marjino, di qui Nader havis la maxim granda totalo di voti, 97 488 voti. Rekontado komencis, ma la Supra Korto interdiktis ta ed efektive facis Bush la prezidanto. Multa Demokrati blamis Nader por ica rezulto.

Politiko[redaktar | redaktar fonto]

Nader apartenas al sinistra tradiciono exter la Demokrata Partiso. Il konsideras la Demokrati e la Republikani kom du parti di duopolio neoliberala e konservatista, en qua la Demokrati ne formacas vere sinistra elemento.

Nukleo ideologiala di Nader esas sinistra populista sucio ke la povo komercala minacas la socio ekonomiale ed ekologiale. Por lu procesi esas importanto instrumento por restriktar la povoza komerci.

En 1996 il kritikesis por dicar ke "politiko gonadala ne interesas il". Tamen, il disputis ke la dicajo esis negativa pri homeosexualeso o feminismo e suportis la yuro di mariajo inter homeosexuali en 2000, relative frue in la Usana politiko.