Rhenturmo

De Wikipedio
La Rhenturmo

La Rhenturmo (germane: Der Rheinturm) esas turmo qua servas kom brodkast-masto e turisto-vidindajo en Düsseldorf, Germania.

La Rhenturmo havas anteni por radio (FM) e televiziono, e ye 240,5 metri ol esas la maxim alta edifico di Düsseldorf.  En la Rhenturmo esas observo-platformo e rotacanta restorerio.

La turmo kontenas 7.500 metrokubi de betono e pezas 22.500 tuni.  An la turmo esas dijitala* horlojo, qua esas la maxim granda dil mondo.  Apud la turmo stacas la edifico dil parlamento di la stato Nordrhein-Westfalen.