Rikers Island
Rikers Island (pron.: raykers-aylend), en Ido: Rikers-insulo, esas karcer-insulo en l'Esta rivero en New York, Usa. La karcero mezuras 1,5 kilometri quadrata.
En 1884 l'urbo New York kompris l'insulo (180.000 dolari) de la decendinti di la Nederlandana koloniisto Abraham Ryckens, por establisar karcero.
La karcero esas administrata da la Departmento di Korektigo di New York. Ol havis kapaceso vacilanta de admaxime 17.000 enkarcerigiti. Rikers Island esas un de la maxim granda karceri di Usa. La komplexo esis mikra urbo, inkluzante skoli, hospitali, sport-agri, sporto-skoli, desdependantigo-programi di narkotigivi, kapeli, butiki, energiiferio, autobus-gareyo ed automobil-laveyo.
Reputeso
[redaktar | redaktar fonto]Rikers Island havas reputeso di violento e neglekto di enkarcerigiti. Pro to esas nombroz ataki di employitaro da enkarcerigiti, ofte vundanta.
En 2017 urbestro Bill de Blasio anuncis en raporto la decido klozar en 10 yari la karcero sur Rikers-insulo. En februaro 2018 komisitaro di statala surveyo propozis a la stato Nova-York ke la karcero povas klozesar ante ta dato. En novembro 2029 la konsilistaro di New York votis por klozo di la karcero en 2026.