Robert Falcon Scott

De Wikipedio
Irez ad: pilotado, serchez
Robert Falcon Scott

Robert Falcon Scott (6 di junio 1868 til 1912) esis exploristo di Antarktika.

Il naskis en Plymouth, Anglia. Ilua frua kariero esis kom navala oficiro. Pos renkontro kun la prezidanto di la Rejala Geografiala Societo, qua havis intereso pri projetata expediciono ad Antarktika, en la navo Discovery, Scott divenis duktanto di ca expediciono. Ol duris de 1901 til 1904; en Antarktika, il atingis latitudo 82 gradi suda, cirkume 850 km de la suda polo. En duesma expediciono, voyajante en la navo Terra Nova, il atingis la suda polo en 1912, ma il mortis dum la retro-iro.

Expediciono en la Terra Nova[redaktar | edit source]

Scott en kabino en Antarktika, 1911

Ye 17 di januaro 1912 il, kun quar altra membri di expediciono ad Antarktika, atingis la suda polo. La voyajo, de lia kampeyo ya la marbordo di Antarktika, komencabis ye 1 di novembro 1911. Arivante ye la suda polo, li trovis ke esquadro di Roald Amundsen ja atingabis ta loko, un monato antee. Scott e la quar altri mortis dum la retrovoyajo; la lasta skriburo di Scott en sua personala jurnalo esis datizata 29 di marto 1912. Il mortis en tendo dum nivegoza tempesto, kelka kilometri de la hemala kampeyo.