San Francisco

De Wikipedio
Jump to navigation Jump to search
San Francisco
San Francisco California Montage.jpg
Kelk imaji pri San Francisco.
Flag of San Francisco.svg SFSEAL.svg
Standardo Blazono
Lando: Flag of the United States.svg Usa
Stati: Kalifornia
Informo:
Latitudo: 37º46'00" N
Longitudo: 122º26'00" W
Altitudo: 600.6 m
Surfaco: 121[1] km²
Habitanti: 852 469 (2014)
Denseso di habitantaro: 7,022.0 hab./km²
Horala zono: UTC-8
Urbestro: Edwin Mah "Ed" Lee
Mapo:
Mapo di San Francisco
Oficala retosituo:
www.sfgov.org
San Francisco, Kalifornia.

San Francisco esas la 4ma maxim populizita urbo de Kalifornia, e la 14ma maxim populizita urbo de Usa. Situita en la nordo di la peninsulo samnoma, lua tota surfaco esas 121 km². Segun statistiki dil yaro 2014, ol havis 852 469 habitanti. Kun 7022 habitanti per km² ol esas la maxim dense habitita urbo de Kalifornia. Kelka insuli en la bayo di San Francisco, exemple Alcatraz (famoza por lua karcero, nune neuzata), e l'insuleti Los Farallones, en l'Oceano Pacifiko 43 km de la litoro, apartenas al urbo.

Ol fondesis ye la 29ma di junio 1776 dal Hispani, e lua nomo homajas Santa Franciskus de Assisi. San Francisco kreskis rapide depos 1848, kande oro deskovresis en Kalifornia. Nune ol esas importanta turismala urbo en Kalifornia.

Historio[redaktar | redaktar fonto]

Katolika misiono di Santa Franciskus de Assisi.

La maxim anciena restaji pri homala okupeso en la regiono evas de 3.000 yari aK. La grupo Yelamu del populo Ohlone habitis kelka vilaji kande l'unesma Hispana expediciono, komandita da Gaspar de Portolà, arivis en la bayo di San Francisco ye la 2ma di novembro 1769. Sep yari pose, ye la 28ma di marto 1776, Hispani kreis la Presidio (fuorto) San Francisco, homaje Santa Franciskus de Assisi. Li fondis katolika misiono ye la 29ma di junio sam yaro, e to konsideresas la dio di la fondo dil urbo.

La regiono divenis parto di Mexikia per la nedependo de Hispana imperio, en 1821. Pos la nedependo, la tereni qui aparteabis a la Katolik-eklezio pokope divenis privata. En 1835, l'Anglo William Richardson establisis l'unesma hemo-domeno en la regiono. Kune l'alkaldo Francisco de Haro, Richardson planigis sistemo di stradi por expansar la vilajo Yerba Buena, qua komencis atraktar Usana koloniigisti.

Geografio[redaktar | redaktar fonto]

Cieloskraperi an la horizonto di San Francisco.

La reliefo di San Francisco esas kolinoza, kun plua kam 50 kolini en lua urbala limiti. Kelka quarteri recevis la nomi di la kolini ube li konstruktesis, exemple Nob Hill, Pacific Heights e Russian Hill. La quartero Twin Peaks okupas du ek la maxim alta kolini del urbo. Lua maxim alta punto, monto Davidson, jacas 282 metri super la marala nivelo.

La rokofenduri San Andres e Hayward distas poke de San Francisco, e lia sismala aktiveso afektas e minacas la urbo, exemple dum la destruktiva ter-tremi di 1906 e 1989. La normi legala pri konstrukto evolucionis dum recenta yari, e l'edifici plu moderna esas min vundebla a ter-tremi kam l'anciena. Tamen, existas mili di anciena edifici ed altra strukturi potenciale vundebla se nova sismo simile a 1906 eventos.

La klimato dil urbo esas Mediteraneala kun oceanal influo (Csb segun la klimatala klasifikuro di Köppen). La mezavalora temperaturo en januaro (vintro) esas 10,7°C, dum ke la mezavalora temperaturo en julio (somero) esas 15,7°C.

La mezavalora yarala pluvo-quanto esas 600,2 mm, e la maxim pluvoza monato esas decembro, kun mezavalore 115,8 mm. Mayo til septembro esas la maxim sika monati, kun mezavalora pluvozeso infre 20 mm.

Referi[redaktar | redaktar fonto]

  1. State & County QuickFacts, San Francisco (city), California. US Census Bureau. URL vidita ye la 2011.
Commons
Commons havas kontenajo relatante a: